ក្រុមហ៊ុនយក្ស Google រងបណ្តឹងផ្លូវច្បាប់ ពីសមាជិកព្រឹទ្ធសភាសហរដ្ឋអាមេរិក

(BBC) បើយោងតាមកាសែត BBC ចុះផ្សាយថ្ងៃនេះ បានអោយដឹងថា ក្រុមហ៊ុនយក្ស Google  កំពុងរង បណ្តឹង ផ្លូវច្បាប់ របស់សមាជិកព្រឹទ្ធសភាទទួលភារកិច្ចចាត់ចែងការងារខាង ផ្នែកបច្ចេកវិទ្យាមកពី រដ្ឋតិចសាសដោយសារក្រុមហ៊ុននេះបានដាក់វិធានការខុសច្បាប់ក្នុងការគ្រប់គ្រងការផ្សព្វផ្សាយពាណិជ្ជកម្មតាមអនឡាញ បែបលក្ខណ: ផ្តាច់មុខតែឯកឯង (Monopoly)។

តាមប្រភពដដែល បានអោយដឹងថា កាលពីថ្មីៗនេះ ក្រុមហ៊ុន Google បានឈានដល់កិច្ចព្រមព្រៀងជាមួយ ក្រុមហ៊ុន Facebook  ទៅលើ ការដេញថ្លៃ ក្តោបក្តាប់លើការផ្សព្វផ្សាយពាណិជ្ជកម្ម តាមប្រព័ន្ធអនឡាន។

គួរបញ្ជាក់ផងដែរថា នេះគឺជាបណ្តឹងចុងក្រោយមួយ ទៀតសម្រាប់ ក្រុមហ៊ុនបច្ចេកវិទ្យាមហាយក្សនេះ ដែលជាសម្ពាធ មួយដ៏ធំ ពីសំណាក់អ្នកច្បាប់សាកល។

ជាការឆ្លើយតប អ្នកនាំពាក្យរបស់ក្រុមហ៊ុន Google បានច្រានចោលនៅការចោទប្រកាន់មួយនេះ ហើយអះអាងថា ក្រុមហ៊ុននឹង តតាំង ជាមួយបណ្តឹងនេះនៅក្នុងតុលាការ។ លោកបន្តមានប្រសាសន៍ថា ក្រុមហ៊ុនលោក បានជួយធ្វើអោយតម្លៃសេវា ផ្សព្វផ្សាយពាណិជ្ជកម្ម ថយចុះជាងមុន ក្នុងរយៈពេលប្រមាណ ១ ទស្សវត្សកន្លងទៅនេះ។

បើតាមប្រភពព័ត៌មាន BBC បានបង្ហាញថា ប្រាក់ចំណូល ៨០ % របស់ក្រុមហ៊ុនមហាយក្ស Google  នេះគឺ បានមកពី ការលក់សេវា ផ្សព្វផ្សាយពាណិជ្ជកម្មលើពិភពអនឡាន។

ចំណែកក្រុមហ៊ុន Facebook  វិញបដិសេធមិនធ្វើការអធិប្បាយពីរឿងរ៉ាវនេះឡើយ។