វិស័យកសិកម្ម: ឧបសគ្គបច្ចុប្បន្នក្នុងប្រទេសវៀតណាម

ប្រមាណជាង ៣ទសសវត្សមកនេះ វិស័យកសិកម្មប្រទេសវៀតណាមត្រូវបានគេមើលថាមានការីកចម្រើនយ៉ាងខ្លំាង។ របាយការណ៍ឆ្នាំ ២០១៨ បានបង្ហាញថា ចំណូលសរុបនៃការនំាចេញវិស័យកសិកម្មមានរហូតដល់ ៤០ កោដ លានដុល្លាអាមេរិក​ (កាសែត ខ្មែរថាម)

នាយករដ្ឋមន្រ្តី វៀតណាមលោក ញូយ៉េន ស៊ន ផឹក (Nguyen Xuan Phuc) ជឿលើសក្តានុពលលើវិស័យកសិកម្ម ដោយជម្រុញអោយមានការចូលរួមជាមួយបណ្តាប្រទេសជឿនលឿនខាងវិស័យកសិកម្មទាំង ១៥ នៅលើពិភពលោក។

ក្នុងទសវត្សទី ៨០ (១៩៨០s) ប្រទេសវៀតណាមបានជួបប្រទះវិបត្តិស្បៀងអាហារ និង ភាពអត់ឃ្លានយ៉ាងខ្លំាង។ ដោយឃើញដូច្នេះ ថ្នាក់ដឹកនាំប្រទេសក៏សម្រេច ប្រើប្រាស់កញ្ចប់ថវិការ រដ្ឋមួយចំនួនដើម្បីជម្រុញសន្ទុះ នៃការរីកចម្រើនក្នុងវិស័យមួយនេះ។

ថវិការនេះត្រូវបានយកទៅអភិវឌ្ឍទៅលើ ការពង្រីកវិសាលភាព និង ការស្រាវជ្រាវខាងផ្នែកកសិកម្ម សង់ប្រព័ន្ធធារាសាស្រ្ត ហេដ្ឋារចនាសម័ន្ធ ព្រមទំាងសាងសង់ទីតាំងផលិតធាតុផ្សំ ផ្សេងៗនៃគ្រឿងកសិកម្ម។

ជាលទ្ឋផល វៀតណាមបានមានការរីកចម្រើនយ៉ាងខ្លំាងទៅលើវិស័យកសិកម្ម សុវត្ថិភាពស្បៀងអាហារជាតិ ហើយក៏អាចប្រកួតលើទីផ្សារអន្តរជាតិដោយជោគជ័យ ដោយសារតែផលិតផលដើម មានតម្លៃធូធ្លៃ។

បើទោះជាមានការរីកចម្រើនខ្លំាងយ៉ាងនេះក៏ដោយ វិស័យកសិកម្មវៀតណាមក៏ចាប់ផ្តើមមានបញ្ហាប្រឈមមួយចំនួនក្នុងអំឡុងឆ្នាំ ១៩៩០ ។ នេះក៏ព្រោះតែការកាប់បំផ្លិចបំផ្លាញ ព្រៃឈើ តាមរយះការទន្រ្ទានយកព្រៃឈើធម្មជាតិ ការវាតទីក្នុងសមុទ្រដើម្បីចញ្ចឹមបង្កង និង ប្រើប្រាស់ថ្នាំពុល សម្លាប់សត្វល្អិតផ្សេងៗ ដែលបានបង្កផលប៉ះពាល់ដល់បរិស្ថានយ៉ាងខ្លំាង។

អ្វីជាឧបសគ្គបច្ចុប្បន្នខ្លាំងរបស់វៀតណាមនោះគឺ ការបាត់បង់ឱកាសក្នុងការចូលរួមសមាហរនកម្មសេដ្ឋកិច្ចជាមួយភាគីនៅលើទីផ្សារពិភពលោក។ ការពីថ្មីៗនេះ វៀតណាមបានចូលរួមដៃគូពាណិជ្ជកម្មជាច្រើនដូចជា Comprehensive and Progressive Agreement for Trans-Pacific Partnership, the Vietnam–EU Free Trade Agreement and Investment Protection Agreement, and the Regional Comprehensive Economic Partnership (RCEP) ។

នៅក្នុងកិច្ចព្រមព្រៀងទំាងនោះ បណ្តាប្រទេសដៃគូទាមទារអោយមាននូវការធានានូវការជៀសវាងបញ្ហា បរិស្ថាន បញ្ហាសង្គម និង បញ្ហាពលករ ក្នុងប្រទេស។ ហើយនេះគឺជាឧបសគ្គ ឬ ផ្លូវរបត់មួយរបស់ប្រទេស កុម្មុយនីយ្ម មួយនេះ។

អ្វីៗទំាងអស់គឺអាស្រ័យលើឆន្ទះ អ្នកនយោបាយ ភាពវ័យឆ្មាត និង បុិនប្រសប់របស់ថ្នាក់ដឹកនំាប្រទេស នៅពេលដែលគេចាប់ផ្តើមគិតនូវផលប្រយោជន៍រួម។