VATANAK2011
គេហទំព័របរទេសមួយឈ្មោះថា https://asia.nikkei.com/ បានដកស្រង់ព័ត៍មានពីទីក្រុង ហាណូយ ប្រទេសវៀតណាម បានអោយដឹងថា មានក្រុមហ៊ុនអភិវឌ្ឍន៍អចលនទ្រព្យជប៉ុនមួយបានជួយកម្ពុជាបោះជំហានដ៏ធំឆ្ពោះទៅរកការក្លាយជាអ្នកនាំចេញគ្រាប់ស្វាយចន្ទីលំដាប់កំពូលរបស់ពិភពលោក ដែលនេះគឺជាគោលដៅមួយដ៏វែងឆ្ងាយសម្រាប់កម្ពុជា។
នៅដើមខែមិថុនាកន្លងទៅនេះ ក្រុមហ៊ុនមួយឈ្មោះថា មីរ័ត្ន ហូលឌីង (Mirarth Holdings) បានប្រារព្ធពិធីបញ្ចប់សាងសង់រោងចក្រកែច្នៃគ្រាប់ស្វាយចន្ទីតូចមួយ នៅខេត្តកំពង់ធំ ភាគកណ្តាល ជាប់ខេត្តសៀមរាប។
បើយោងតាមលោកអភិបាលរងខេត្តកំពង់ធំ លោក ញឹក បាន ខេង (Nhek Ban Kheng) មានប្រសាសន៍ថា “រោងចក្រថ្មីនេះ ជានិមិត្តរូបនៃយុទ្ធសាស្ត្ររបស់កម្ពុជា ដើម្បីក្លាយជាអ្នកនាំចេញគ្រាប់ស្វាយចន្ទីធំជាងគេលើពិភពលោក”។
ការអភិវឌ្ឍន៍មជ្ឈមណ្ឌលកែច្នៃ គឺជាគំនិតផ្តួចផ្តើមដ៏សំខាន់របស់ អតីតនាយករដ្ឋមន្ត្រី ហ៊ុន សែន ដែលបច្ចុប្បន្នកាន់តំណែងជាប្រធានព្រឹទ្ធសភានៅក្នុងព្រះរាជាណាចក្រកម្ពុជា។ កំពង់ធំ បឹងទន្លេសាប ដែលជាបឹងទឹកសាបដ៏ធំបំផុតនៅអាស៊ីអាគ្នេយ៍ និងត្រូវបានគេស្គាល់ថាជា “បេះដូងនៃប្រទេសកម្ពុជា” ។ ខេត្តនេះក៏ជាកន្លែងដែលសម្បូរព្រៃគុកជាសម្បត្តិបេតិកភណ្ឌពិភពលោក។
បើទោះជាកម្ពុជាជាប្រទេសផលិតគ្រាប់ស្វាយចន្ទីយ៉ាងច្រើនក៏ដោយ បើយោងតាមប្រភពព័ត៍មានបានអោយដឹងថា កសិករដាំចន្ទីភាគច្រើនមិនមានប្រាក់ចំណូលគ្រប់គ្រាន់ដើម្បីទាញខ្លួនចេញពីភាពក្រីក្រនោះទេ នេះក៏ដោយសារប្រទេសនេះបញ្ជូនគ្រាប់ស្វាយចន្ទីទៅប្រទេសជិតខាងដើម្បីកែច្នៃ និងនាំចេញឡើងវិញ។
សម្រាប់ការគាំទ្រ
ខ្មែរបុត្ថាណាការ
បន្តរក្សាចុះផ្សាយ ឬ ផ្សព្វផ្សាយបន្ត ព័ត៍មាន ចំណេះដឹង និងការអប់រំសម្រាប់បម្រើយុវជនជំនាន់ក្រោយ អោយផ្តោតលើ ការអានព័ត៍មាន ក្នុងគោលបំណង ដើម្បីរីកចម្រើន កម្លាំងបញ្ញា ជាពិសេសដើម្បីលើកស្ទួយ ការអានរបស់ប្អូនៗជំនាន់ក្រោយ។
ក្រុមហ៊ុន មីរ័ត្ន Mirarth រោងចក្រថ្មីនេះមានខ្សែចង្វាក់ផលិតកម្មកែច្នៃចំនួនពីរដែលនាំមកពីប្រទេសវៀតណាម។ រោងចក្រអាចច្នៃគ្រាប់មិនទាន់បកបានចំនួន 8 តោនក្នុងមួយថ្ងៃ។ គ្រាប់ស្វាយចន្ទីអាចបាត់បង់ខ្ទង់ប្រមាណ 3 ភាគ 4 ក្នុងការកៃច្នៃ។ រោងចក្រនេះអាចដឹកជញ្ជូនគ្រាប់ចន្ទីបាន 2 តោនក្នុងមួយថ្ងៃ។ ប្រសិនបើរោងចក្រនេះដំណើរការ 300 ថ្ងៃក្នុងមួយឆ្នាំវានឹងអាចដឹកជញ្ជូនបាន 600 តោនក្នុងមួយឆ្នាំ។
ក្រុមហ៊ុន មីរ័ត្ន Mirarth ដែលមានរោងចក្រនៅខេត្តកំពង់ធំ កំពុងស្វែងរកកម្មករប្រហែល 30 នាក់មកពីគ្រួសារកសិករក្នុងស្រុក ហើយរោងចក្រនេះនឹងក្លាយជាប្រភពចំណូលបន្ថែមដ៏សំខាន់សម្រាប់សេដ្ឋកិច្ចសហគមន៍ពួកគេ។ ក្រុមហ៊ុនដែលមានមូលដ្ឋាននៅទីក្រុងតូក្យូនឹងមិនត្រឹមតែលក់គ្រាប់កែច្នៃប៉ុណ្ណោះទេ ប៉ុន្តែថែមទាំងប្រើប្រាស់កាកសំណល់ សម្រាប់ប្រើជាឥន្ធនៈជីវឧស្ម័នផងដែរ។ គ្មានអ្វីនឹងត្រូវបោះចោលឡើយ។
ប្រភពព័ត៍មាន សូមចុចទីនេះ
