VATANAK2011កាលពីថ្ងៃពុធកន្លងទៅនេះ សភាតំណាងរាស្រ្តសហរដ្ឋអាមេរិកបានបោះឆ្នោតទម្លាក់លោកប្រធានាធិបតី ដូ ណាល់ ជេ ត្រំា ក្រោមបទចោទប្រកាន់ ២ ករណី។ ករណីទី ១ គឺដោយសារលោកបានរំល្មោភបំពានអំណាចជាប្រធានាធិបតីខ្លួនឯងដើម្បីប្រយោជន៍ផ្ទាល់ខ្លួន។ ហើយករណីទី ២ គឺមកពីលោកបានរំាងថ្កាត់ដំណើរការរបស់សភាអាមេរិក។
សម្រាប់បទចោទប្រកាន់ទី១ (ការរំល្មោភអំណាចនីតិប្រតិបត្តិ) មានសម្លេងគំាទ្រ ២៣០ ទល់នឹង សម្លេងប្រឆំាង ១៩៧ ហើយចំណែកឯ បទចោទប្រកាន់ទី ២ (ការបង្កការរំាងស្ទះដំណើរការសភាវិញ) មានសម្លេងគំាទ្រ ២២៩ ទល់នឹងសម្លេងប្រឆំាង ១៩៨។
តែបើក្រលេកមើលអោយជាក់ស្តែង សម្លេងទំាងអស់នេះស្ទើរតែជាសម្លេងពេញអង្គរវាងគណបក្សទំាងពីរ។ បក្សប្រជាធិបតេយ្យក្នុងសភាតំណាងរាស្រ្តអាមេរិក មានសមាជិករហូតដល់ ២៣០ នាក់ជាង ចំណែកឯខាងបក្សសាធារណរដ្ឋវិញមានប្រហែលខ្ទង់ ១៩៧ រូប។ នេះគឺបង្ហាញថា បក្សប្រជាធិបតេយ្យគឺមានសម្លេងភាគច្រើន។
សម្រាប់សមាជិកបក្សសាធារណរដ្ឋយល់ឃើញថា ការស្នើច្បាប់ទម្លាក់ប្រធានាធិបតីនេះគឺជាផែនការណ៍របស់បក្សប្រជាធិបតេយ្យជាយូរមកហើយ គឺចាប់តំាងពីលោកប្រធានាធិបតីឡើងកាន់អំណាចមកម្ល៉េះ។ ហើយពួកគេពុំរកឃើញភស្តុតាងជាក់ស្តែង ឬ បទឧក្រិដ្ឋ ណាធ្ងន់ធ្ងរដែលនំាអោយមានការទម្លាក់ប្រធានាធិបតីនោះទេ។
សម្រាប់សមាជិកមកពីបក្សប្រជាធិបតេយ្យវិញយល់ឃើញថា លោកប្រធានាធិបតីបានបំពាន និង បង្កគ្រោះថ្នាក់ដល់រដ្ឋធម្មនុញ្ញប្រទេសទំាងមូល។ ដូច្នេះហើយទើបពួកគេបានជម្រុញអោយមានការរៀបចំនីតិវិធី និងការប្រកាសច្បាប់នៃរដ្ឋធម្មនុញ្ញស្តីពីការទម្លាក់ប្រធានាធិបតី។
អ្នកនំាពាក្យអោយសភាតំណាងរាស្រ្តនៃសហរដ្ឋអាមេរិកអ្នកស្រី ណានស៊ី ផែលុបស៊ី ( Nancy Pelosi) ហាក់បីដូចជា ស្ទាក់ស្ទើរក្នុងការបញ្ជូនសំណុំរឿងឡើងទៅកាត់ក្តីនៅក្នុងសភាជាន់ខ្ពស់ (ព្រឹទ្ឋិសភា) នៅឡើយ។
តាមច្បាប់អាមេរិក លុះត្រាតែមានសម្លេង ២ភាគ៣ ក្នុងព្រឹទ្ឋិសភា ទើបមានសិទ្ឋិគ្រប់គ្រាន់ក្នុងការសម្រេចអនុម័ត ដាក់ទោស និង ដកប្រធានាធិបតីចេញពីតំណែងបាន។ នេះគឺមិនទំនងជាទៅរួចនោះទេ ដោយសារជំហរប្រឆំាងជំទាស់មកពីខាងគណបក្សសាធារណរដ្ឋ ហើយទៀតសោត គណបក្សសាធារណរដ្ឋគឺមានសម្លេងច្រើនជាងបក្សប្រជាធិបតេយ្យនៅក្នុងសភាជាន់ខ្ពស់ ឬ ព្រឹទ្ឋិសភា។
លោក ដូ ណាល់ ត្រាំ ឯណោះវិញ កំពុងតែឡកឡឺយដាក់សមាជិកគណបក្សប្រជាធិបតេយ្យ ។ នៅក្នុងយុទ្ធនាការឃោសនារកសម្លេងឆ្នោតនៅក្នុងរដ្ឋ មុីឈីហ្គេន (Michigan) ហើយបាននិយាយទៅកាន់ហ្វូងអ្នកគំាទ្ររបស់ខ្លួនថា “បក្សប្រជាធិបតេយ្យគឺមានបំណង រិះរកវិធីទម្លាក់ខ្ញុំ តំាងពីថ្ងៃដំបូងពេលខ្ញុំឡើងកាន់ដំណែងជាប្រធានាធិបតីមកម្ល៉េះ។ ហើយបេសកម្មរបស់ពួកគេ គឺមានតែស្វែងរកមាត្រាច្បាប់ណាមួយក្នុងការទម្លាក់ប្រធានាធិបតីអោយខានតែបាន។
Your article helped me a lot, is there any more related content? Thanks!
I don’t think the title of your article matches the content lol. Just kidding, mainly because I had some doubts after reading the article.