VATANAK2011News Source Click here
(ប្រភព៖ការសែត BBC) អ្វីដែលពិភពលោកកំពុងតែរងចំាមើលបានចាប់ផ្តើម លេចឡើងបន្តិចម្តងៗ។ នោះគឺជាការព្រមចូលតុចរចាររវាងមហាអំណាចសេដ្ឋកិច្ចទំាងពីរ គឺរវាងសហរដ្ឋអាមេរិក និង ចិន។
បើតាមលោកប្រធានាធិបតីនៃសហរដ្ឋអាមេរិក លោក ដូណាល់ត្រំា បានថ្លែងថា ការចុះកិច្ចព្រមព្រៀងនេះគឺនំាការផ្លាស់ប្តូរវិជ្ជមានថែមទៀតសម្រាប់សេដ្ឋកិច្ចអាមេរិក។
បើតាមលោក ជេរ៉េមៀ វ៉តធើមែន (JeremieWaterman) ដែលជាប្រធានមជ្ឈមណ្ឌលកិច្ចការប្រទេសចិននៅឯសភាពាណិជ្ជកម្មអាមេរិក បានមានប្រសាសន៍ថា ៖ មានកិច្ចការជាច្រើនទៀតដែលប្រទេសទំាងពីរត្រូវដោះស្រាយ។ វាជាការប្រសើរហើយដែលប្រទេសទំាង២បានចុះកិច្ចព្រមព្រៀងលើកដំបូងនេះ តែពួកគេមិនត្រូវអូសបន្លាយពន្យាពេលកិច្ចចរចារបន្ទាប់អោយកាន់តែយូរនោះទេ។
លោកប្រធានាធិបតីនៃសហរដ្ឋអាមេរិក ដូណាល់ត្រំា បានមានប្រសាសន៍ថា ការរួមគ្នាគឺយើងអាចកែប្រែកំហុសឆ្គងរបស់យើងពីអតីតកាលបាន ហើយយើងអាចនំាអោយមានអនាគតថ្មីមួយសម្រាប់ សន្តិសុខសេដ្ឋកិច្ច និង យុត្តិធម៍សេដ្ឋកិច្ច។
តើប្រទេសទំាងពីរបានព្រមព្រៀងលើកិច្ចការអ្វីខ្លះ?
១. ប្រទេសចិនបានប្តេជ្ញាបង្កើនការបញ្ជាទិញទំនិញសហរដ្ឋអាមេរិកអោយបានឈានដល់តម្លៃ ២០០ កោដលានដុល្លា ក្នុងនោះរួមមាន ភាគីចិនត្រូវបញ្ជាការទិញ ពីខាងភាគីអាមេរិក ដូចជា ផលិតផលកសិកម្ម ចំនួន ៣២ កោដលានដុល្លា ផលិតផលរោងចក្រ ៧៨ កោដលានដុល្លា ថាមពល ៥២ កោដលានដុល្លា និង សេវាកម្ម ៣៨ កោដលានដុល្លា។
២. ចិនយល់ព្រមចាត់វិធានការបង្ក្រាបបន្ថែមទៅលើការចម្លងកូពី ឬ ការក្លែងបន្លំ ផលិតផលដែលធ្វើអោយប៉ះពាល់យីហោល្បីៗ និង អនុញ្ញាតអោយក្រុមហ៊ុនបរទេសមានភាពងាយស្រួលក្នុងប្តឹងផ្តល់ប្រសិនមានករណី លួចចម្លងកម្មសិទ្ឋិបញ្ញាជាដើម។
៣. សហរដ្ឋអាមេរិកយល់ព្រម រក្សា រនំាងពន្ឋត្រឹម ២៥% លើទំនិញចិនដែលមានតម្លៃទឹកប្រាក់ ៣៦០ កោដលានដុល្លា ដែលនំាចូលសហរដ្ឋអាមេរិក។ ចំនែកឯខាងភាគីចិនវិញគឺ ត្រូវរក្សារនំាងពន្ឋដែលខ្លួនបានដាក់លើទំនិញអាមេរិកដែលមានទឹកប្រាក់ ជាង១០០ កោដលានដុល្លា។
សម្រាប់ចំនុចទី ៣ នេះគឺចង់មានន័យថា ប្រទេសទំាងពីរគឺមិនត្រូវបន្តបន្ថែមរនំាងពន្ឋតទៅទៀតនោះទេ។
បើតាមការវិភាគ ភាគីចិនហាក់ដូចជាមិនមានកូនអុកដើរខ្លំាងនោះទេ គឺខ្លួនត្រូវតែសម្របទៅតាមភាគីអាមេរិកសិន។ មានមតិយល់ឃើញមួយចំនួនទៀតថា ការចុះកិច្ចព្រមព្រៀងនេះ គឺមិនទាន់អាចបន្ថូរបន្ថយវិបត្តិសេដ្ឋកិច្ចពិភពលោកនូវឡើយនោះទេ។
JvdIDZjQB
qzVUnsTByaZI