VATANAK2011ក្រុមហ៊ុន តាក់ស៊ី អ៊ូប៊ើ (Uber)ត្រូវបានក្រសួងសាធារណការនៃទីក្រុងឡុងបានសម្រេចផ្អាកការផ្តល់សិទ្ឋិក្នងការធ្វើអាជីវកម្ម កាលពីពេលថ្មីៗកន្លងទៅនេះ។
ការសម្រេចដកសិទ្ឋិក្នុងការធ្វើអាជីវកម្មនេះ គឺជាការភ្ញាក់ផ្អើលដ៏ធំមួយ នេះក៏ព្រោះតែក្រុមហ៊ុននេះទទួលបានអតិថិជនជាង ៣ លាននាក់ ក្នុងប្រទេសអង់គ្លេស ហើយ ក៏ជាទីផ្សារធំជាងគេក្នុងពិភពលោក។
ខាងក្រសួងសាធារណការទីក្រុងឡុង បានរកឃើញថា មានអ្នកបើកបរ អ៊ូប៊ើ(Uber) ខ្លះមិនបានចុះឈ្មោះត្រឹមត្រូវ ហើយបែជាប្រើប្រាស់គណនេយ្យអ្នកបើកបរដ៏ទៃទៀត ដោយយករថយន្តដែលមិនបានចុះឈ្មោះត្រឹមត្រូវមកដឹកភ្ញៀវទៅវិញ ។
របាយការណ៍សុវត្ថិភាពរបស់ភ្ញៀវត្រូវបានចុះផ្សាយ ថ្មីៗនេះបានអោយដឹងថា មានករណីបំពានផ្លូវភេទ ជាង ៦០០០ ករណី នៅក្នុងសហរដ្ឋអាមេរិក ក្នុងរយះពេលជាង ២ ឆ្នំាមកនេះ។
បើតាមរបាយការណ៍ដ៏ដែលនេះ បានបង្ហាញថា សរុបនៃការធ្វើដំណើរ គឺមានជាង ២ កោឌលានជើង ហើយក្នុងនោះគឺមាន ការរាយការណ៍ថាអ្នកបើកបរបានបំពាន ផ្លូវភេទ អតិថិជន រហូតដល់ ៥៩៨១ ករណី។
ខាងក្រុមហ៊ុនក៏បានទទួលស្គាល់នូវការខ្វះខាតគុណភាព និង កង្វះខាតការគ្រប់គ្រងប្រព័ន្ឋ ចុះឈ្មោះរបស់អ្នកបើកបរ ។ ទន្ទឹមគ្នានេះដែរ ក្រុមហ៊ុនបានប្តេជ្ញាក្នុងការធ្វើការផ្លា់ស់ប្តូរនូវយុទ្ធសាស្រ្តថ្មី ដើម្បីពង្រឹងអោយមានសុវត្ថិភាពដល់អតិថិជនរបស់ខ្លួនថែមទៀត។
បើគិតមកត្រឹមឆ្នំា ២០១៩ នេះ ក្រុមហ៊ុន អ៊ូប៊ើ ដែលមានដើមកំណើតក្នុងទីក្រុង សានហ្វ្រានស៊ីស្រ្គូ (San Francisco) សហរដ្ឋអាមេរិកគឺមានអាយុកាលជាង ១០ ឆ្នាំ មកហើយ។ ចំណែកចំនួនអ្នកបើប្រាស់មានរហូតដល់ ១១០ លាន នាក់ទូទាំងពិភពលោក។ ភាគហ៊ុនក្រុមហ៊ុននេះ បើគិតរហូតមកដល់ឆ្នំា ២០១៨ មានរហូតដល់ ១០ កោដ លានដុល្លាសហរដ្ឋអាមេរិក។
