VATANAK2011
បើយោងតាមសារព័ត៍មាន ខ្មែរថាម ចុះផ្សាយនៅថ្ងៃនេះ បានអោយដឹងថា គណៈកម្មការគ្រប់គ្រងល្បែងពាណិជ្ជកម្មកម្ពុជា
អគ្គលេខាធិការដ្ឋាន របស់ក្រសួងសេដ្ឋកិច្ចនិងហិរញ្ញវត្ថុ មិនបានអនុញ្ញាតិផ្តល់អាជ្ញាប័ណ្ណសិទ្ធិដល់ ក្រុមហ៊ុន French OL Group នោះទេ។
គួរបញ្ជាក់ផងដែរថា គេសង្កេតឃើញមានយុវជនមួយចំនួន បានធ្វើការដាក់ទុនថវិការវិនិយោគជាមួយ កម្មវិធីភ្នាល់បាល់នេះ។ បើយោងតាមយុវជនមួយរូប ដែលសុំមិនបញ្ចេញឈ្មោះបានប្រាប់ខ្មែរបុត្ថាណាការ ថា ការវិនិយោគនេះ គឺពុំទាន់ឃើញមានការខាតបង់អ្វីនោះទេ។ រូបលោក បានដាក់ប្រាក់ ខ្ទង់ ៦០ ទៅ ៧០ ដុល្លារសហរដ្ឋអាមេរិក។ មកដល់ពេលនេះ ប្រាក់បណ្តាក់ទុនរបស់គាត់បានកើនរហូតដល់ ៣០០ ដុល្លារទៅហើយ។
បើយោងតាមប្រភពដដែលបានអោយដឹងថា ក្រុមហ៊ុនបានអះអាងថា ខ្លួនទទួលបានការឯកភាពពីចំណែកក្រសួងការបរទេស និងសហប្រតិបត្តិការ អោយខ្លួនធ្វើប្រតិបត្តិការនៅក្នុងព្រះរាជាណាចក្រកម្ពុជា។
ចំណែកក្រសួងការបរទេស និងសហប្រតិបត្តិការ កាលពីថ្ងៃអង្គារ បានចេញសេចក្ដីបដិសេធចំពោះលិខិតដែលបានផ្សព្វផ្សាយដោយក្រុមហ៊ុន French OL Group ចុះថ្ងៃទី១៣ ខែឧសភា ឆ្នាំ២០២២ ដោយប្រើប្រាស់ឡូហ្គូ (Logo) និងត្រាក្លែងបន្លំរបស់ក្រសួងក្រសួងការបរទេស និងសហប្រតិបត្តិការអន្តរជាតិ និងបានអំពាវនាវដល់អាជ្ញាធរ មានសមត្ថកិច្ចពាក់ព័ន្ធ ធ្វើការស៊ើបអង្កេត និងចាត់វិធានការតាមផ្លូវច្បាប់ជាបន្ទាន់។
សូមអធ្យាស្រ័យរាល់កំហុសឆ្គងអក្ខរាវិរុទ្ធនៅក្នុងមាតិកាអត្ថបទនេះ
