ក្នុងស្ថានភាពនៃជម្ងឺកូរ៉ូណា ការសិក្សាតាមស្ថាប័នអប់រំបានងាកមកប្រើប្រាស់បច្ចេកវិទ្យា សិក្សាតាមអនឡាញ។
យ៉ាងហោចណាស់ ស្ថាប័នអប់រំអាចកាត់បន្ថយខ្ទង់ចំណាយមួយចំនួន។
មានឪពុកម្តាយខ្លះហាក់ដូចជាមិនពេញចិត្ត នៅពេលដែលសាលាតម្រូវអោយសិស្សានុសិស្សបង់ថ្លៃសិក្សាពេញ។ នេះក៏មកពួកគាត់យល់ថា ការសិក្សាតាមអនឡាញមានលក្ខណៈមិនពេញលេញ និង ខ្វះគុណភាព។
មានសំនួរធំមួយសួរថា តើឪពុកម្តាយគួរបង់ពេញដែរឬទេ?
ប្រុញដែលជាអ្នកឯកទេសសេដ្ឋកិច្ចមកពីចុងភូមិ ត្រូវបានគេអញ្ជើញមកចូលរួមការចែករំលែកនូវទស្សនៈនិងការយល់ដឹង។
នៅពេលដែលអ្នកសារព័ត៌មានសួរថា តើគួរតែបង់ពេញ ឬ មិនពេញ ទៅលើប្រព័ន្ធអប់រំ តាមអនឡាញ ប្រុញនិយាយថា ស្ថាប័នពាក់ព័ន្ធគួរតែគិតគូរពីក្តីបារម្ភរបស់ឪពុកម្តាយ។ ការខ្វាយខ្វល់ពីការកង្វះខាត មិនគ្រប់គ្រាន់ និងខ្វះគុណភាពតាមរយៈការសិក្សាអនឡាញ អាចបណ្តាលមកពី កត្តាគ្រប់គ្រាន់នៃអគ្គីសនី និង ល្បឿនអ៊ីនធឺណេត។ អញ្ចឹងប្រុញ គិតថា ការបង់ថ្លៃពេញទៅលើ ថ្លៃភ្លើង និង ថ្លៃសេវាកម្មអុីនធើណេតគឺជារឿងសំខាន់បំផុត មុនបង់ពេញឬ មិនពេញទៅអោយស្ថាប័នសិក្សា។
រឿងប្រុញ-ប្រាជ្ញ៖ បញ្ហាអាក្រក់លើពិភពលោក
ប្រុញ ៖ ប្រាជ្ញ, តើឯងដឹងទេថា មួយរយៈនេះ មានរឿងអាក្រក់ៗជាច្រើន នៅក្នុងសង្គម ដូចជាគ្រោះថ្នាក់ចរាចរណ៍ ស្លាប់ទារក ស្លាប់ដាច់ដៃដាច់ជើង បាញ់ប្រហារជីវិតដូចសត្វធាតុ។ ប្រាជ្ញ៖ សម្លាញ់ នៅក្នុងសង្គមមនុស្ស តាមរយៈបណ្តាញប្រព័ន្ធព័ត៍មានសង្គម ឯងគ្រាន់តែឃើញត្រឹមមួយច្បិចតែប៉ុណ្ណោះ។ វានៅមានរឿងសាហាវៗ ជាច្រើនទៀតដែលបានកើតឡើងក្នុងទីងងឹត ដែលមនុស្សលោកប្រពឹត្តិ ដែលឯងមិនដឹង ។ តទៅមុខទៀត យល់ល្អឯងគួររៀនបិទភ្នែក បិទត្រចៀក បិទការគិតខ្លះ ពេលឃើញរឿងរ៉ាវអាក្រក់ផ្សេងៗ នៅលើហ្វេសប៊ុក ដើម្បីបញ្ជៀសភាពភ័យខ្លាច និង តក់ស្លុតផ្សេងៗ។…
Incredible story there. What happened after?
Good luck!