VATANAK2011
លោកប្រធានាធិបតី វ៉្លាឌីមៀ ពូទីន បានចេញសារព្រមានក្តៅៗទៅកាន់ប្រទេសលោកខាងលិចបន្ទាប់ពីប្រទេសទាំងនោះបានអនុញ្ញាតិអោយអ៊ុយក្រែនប្រើប្រាស់សព្វាវុធទំនើបរបស់ខ្លួនមកវាយប្រហារចូលក្នុងទឹកដីរុស្សី។
ជាការឆ្លើយតប ទៅនឹងអ៊ុយក្រែនប្រើប្រាស់ម៉ីស៊ីលរយះចម្ងាយឆ្ងាយ ៦ គ្រាប់របស់សហរដ្ឋអាមេរិច រុស្សីបានប្រើប្រាស់ ម៉ីស៊ីលវាយបកវិញ។
ម៉ីស៊ីលដែលរុស្សីបានប្រើនោះ គឺមានឈ្មោះថា Oreshnik ឬភាសាអង់គ្លេសជាបច្ចេកទេសគឺហៅថា Intermediate range ballistic missile (IRBM) ដែលបានបាញ់ចេញពីតំបន់ភាគខាងត្បូងរបស់រុស្សីឈ្មោះថា អាស្រ្តាខាន Astrakhan ។ ការវាយប្រហារនេះ គឺផ្លោងសំដៅទៅកាន់ទីកន្លែងមួយនៅតំបន់ ឌីនិបប្រូ (Dnipro) របស់ប្រទេសអ៊ុយក្រែន។
លោកប្រធានាធិបតី ពូទីន បានអះអាងថា ម៉ីស៊ីនេះគឺមានល្បឿនលឿនជាងសម្លេង ១០ដង។ តែទោះជាយ៉ាងណាក៏មានការចម្រូងចម្រាស រវាងការកំណត់អត្តសញ្ញាណនៃ ប្រភេទម៉ីស៊ីលនេះ។ ខាងភាគី អ៊ុយក្រែនបានរាយការណ៍ថា ម៉ីស៊ីលនេះជាប្រភេទ RS-26 Rubezh ដែលជាប្រភេទម៉ីស៊ីលបាញ់ឆ្លងទ្វីប ហើយមានសមត្ថភាពហើរបានរយះចម្ងាយ ៦០០០ គីឡូម៉ែត្រ។
ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា ការវាយប្រហារដោយកងកម្លាំងរបស់លោក ទៅលើទីក្រុង Dnipro ភាគខាងកើតប្រទេសអ៊ុយក្រែន កាលពីព្រឹកថ្ងៃព្រហស្បតិ៍ ត្រូវបានធ្វើឡើងដោយប្រើ “មីស៊ីលរយៈចម្ងាយមធ្យមថ្មីមួយ”។
លោកបាននិយាយថា កាំជ្រួចដែលមានរហស្សនាមថា Oreshnik គឺជាការឆ្លើយតបទៅនឹងការប្រើប្រាស់អាវុធរយៈចម្ងាយឆ្ងាយរបស់អ៊ុយក្រែនដែលឧបត្ថមដោយសហរដ្ឋអាមេរិក និងចក្រភពអង់គ្លេស ដើម្បីវាយប្រហារគោលដៅនៅក្នុងប្រទេសរុស្ស៊ី។
My Podcast
Khmer Community Adaptation in America
លោកពូទីន បានបន្ថែមថា រុស្ស៊ីក៏មានសមត្ថភាពអាចវាយប្រហារទីតាំងយោធានៃប្រទេសទាំងឡាយណាដែលអនុញ្ញាតឱ្យអាវុធរបស់ពួកគេ មកដៃអ៊ុយក្រែនដើម្បីវាយប្រហារទឹកដីរុស្សី។
សហរដ្ឋអាមេរិក និងចក្រភពអង់គ្លេសបានអនុញ្ញាតឱ្យប្រើប្រាស់កាំជ្រួច ATACMS របស់សហរដ្ឋអាមេរិក និងមីស៊ីល Storm Shadow ដែលផ្គត់ផ្គង់ដោយចក្រភពអង់គ្លេសក្នុងសប្តាហ៍នេះ នៅក្នុងការផ្លាស់ប្តូរគោលនយោបាយដ៏សំខាន់មួយ។
ប្រធានាធិបតីអ៊ុយក្រែន លោក Volodymyr Zelensky បាននិយាយថា ការប្រើប្រាស់មីស៊ីលថ្មីរបស់រុស្ស៊ី គឺជា “ការកើនឡើងយ៉ាងច្បាស់ និងធ្ងន់ធ្ងរនៅក្នុងទំហំ និងភាពឃោរឃៅនៃសង្រ្គាមនេះ” ។ (ប្រភព ប៊ីប៊ីស៊ី BBC)
លោកបានសរសេរនៅលើទំព័រ X ដោយបន្ថែម ថា “[នេះ] ជាភ័ស្តុតាងបន្ថែមទៀតថា រុស្ស៊ីគ្មានចំណាប់អារម្មណ៍លើសន្តិភាពទេ” លោកបានបន្ថែមថា “លោកពូទីន មិនត្រឹមតែកំពុងអូសបន្លាយសង្រ្គាមប៉ុណ្ណោះទេ លោកកំពុងស្ដោះទឹកមាត់ដាក់ចំពោះមុខអ្នកនៅក្នុងពិភពលោក ដែលចង់បាន និង ចង់ស្ដារឡើងវិញនូវសន្តិភាពដ៏ពិតប្រាកដ។។”
(ប្រភព ប៊ីប៊ីស៊ី BBC)
