VATANAK2011
ភ្នំពេញ៖ មានករណីបាញ់ប្រហារជីវិតមនុស្សយ៉ាងព្រៃផ្សៃមួយ ពីសំណាក់ជនដៃដល់ ដែលមានងារជាឧកញ៉ា ដកកាំភ្លើងបាញ់ប្រហារមនុស្សឱ្យស្លាប់និងរងរបួស នៅក្នុងបុរីប៉េងហួតបឹងស្នោ ខណ្ឌច្បារអំពៅ រាជធានីភ្នំពេញកាលពីរសៀលថ្ងៃទី ១៧ ខែមិថុនា ឆ្នាំ ២០២៤ នេះ។
បើយោងតាម ការឆ្លើយសារភាពរបស់ខ្មាន់កាំភ្លើង ដែលត្រូវគេស្គាល់ថាមានងារជាឧកញ៉ា ឈ្មោះថា ស្រី ស៊ីណា បានអោយដឹងថា ខ្លួនគឺជាម្ចាស់ផ្ទះមួយល្វែងនៅក្នុងបុរីប៉េងហ៊ួត បឹងស្នោរ ហើយអ្នកជួលផ្ទះរបស់ខ្លួនបានទូរស័ព្ទទៅប្រាប់ថា អ្នកជិតខាង(ជនរងគ្រោះ-ស្លាប់) តែងមានទំនាស់រករឿងទាក់ទងនឹង ស្នួលហាល ខោអាវ។ ហើយអ្នកជួលបន្តថា ខ្លួនពិបាកទ្រាំរស់នៅក្បែអ្នកជិតខាងណាស់ ព្រោះពិបាករឿង ដើមឈើផង និង រឿងហាល ខោអាវផង។ លឺដូច្នោះ ម្ចាស់ផ្ទះ លោក ស្រី ស៊ីណា ក៏មកជួយអន្តរាគមន៍ សួរនាំរកហេតុផល។
នៅក្នុងខ្សែរអាត់សម្លេងមួយបានអោយដឹងថា បុគ្គលិករបស់ជនរងគ្រោះ(លោក លី សុង-ស្លាប់) បានឃើញ បុរសម្នាក់ដើរចូលមកក្នុងផ្ទះ ហើយចាប់ផ្តើមមានទំនាស់ពាក្យសម្តីជាមួយថៅកែរបស់ខ្លួន។ រំពេចនោះ ខ្លួនក៏ឃើញថា បុរសម្នាក់នោះមានកាំភ្លើងសៀតនៅជាប់ចង្កេះ។ បុគ្គលិកម្នាក់នោះក៏បាន ឃើញ បុរសម្នាក់នោះបានដកកំាភ្លើង បាញ់ទៅលើ ថៅកែប្រុស (លីសុង-ស្លាប់)ជាច្រើនគ្រាប់ ហើយពេល គូដណ្តឹងថៅកែប្រុសរត់មកអោបអនាគតស្វាមីខ្លួនដែលរងរបួស ក៏ត្រូវគ្រាប់របស់ខ្មាន់កាំភ្លើងតែម្តង។ នារីរងគ្រោះត្រូវបានដឹកបញ្ជូនមកកាន់មន្ទីពេទ្យ ខណៈពេលដែលគូរដណ្តឹងរបស់នាងត្រូវបានស្លាប់នៅក្នុងថ្លុកឈាមយ៉ាងសោគសង្វែង។
នៅក្នុងចម្លើយសារភាពរបស់ ខ្មាន់កាំភ្លើង លោកឧកញ៉ា ស្រី ស៊ីណា បានប្រាប់ថា ខ្លួនបានបាញ់មកលើ ជនរងគ្រោះព្រោះ តែកំហឹងថា ជនរងគ្រោះបានប្រើសម្តីគំរោះគំរើយ មិនគោរពខ្លួន ដោយប្រើពាក្យ អារមឹង និង បានជេរ ហើយបានបណ្តេញខ្លួនចេញក្រៅផង។ ដោយទប់កំហឹងមិនបានខ្លួនក៏បានដកកាំភ្លើងបាញ់ទៅលើជនរងគ្រោះតែម្តង។
សូមស្តាប់ចម្លើយសារភាពផ្ទាល់របស់លោក ស្រី ស៊ីណា
ខ្មាន់កាំភ្លើង ឧកញ៉ា ស្រី ស៊ីណា ត្រូវបានចាប់ខ្លួននៅស្រុកអង្គស្នួល ខេត្តកណ្តាល នៅវេលាម៉ោងប្រមាណ ៦ល្ងាចនេះ ដោយកងកម្លាំងព្រហ្មទណ្ឌកម្រិតធ្ងន់ របស់យក្រសួងមហាផ្ទៃ។
These skills can save life
សូមចូលទៅកាន់ Channel YouTube របស់ខ្ញុំ ដើម្បីចុច Like និង subscribe សម្រាប់ មាតិល្អៗ សម្រាប់ប្រយោជន៍ ដល់យុវជនកម្ពុជាយើងក្នុងការរីកចម្រើន។
3 tips to be Successful
សូមចូលទៅកាន់ Channel YouTube របស់ខ្ញុំ ដើម្បីចុច Like និង subscribe សម្រាប់ មាតិល្អៗ សម្រាប់ប្រយោជន៍ ដល់យុវជនកម្ពុជាយើងក្នុងការរីកចម្រើន។
