អង្គការសុខភាពពិភពលោកប្រឈមការបាត់បង់ថវិការួមចំណែកពីអាមេរិក

បើតាមរបាយការណ៍ព័ត៌មានពី FoxNews ក្នុងថ្ងៃនេះបានចុះផ្សាយថា អង្គការសុខភាពពិភពលោក កំពុងតែរងការិះគន់យ៉ាងខ្លាំង ហើយរដ្ឋាភិបាលអាមេរិកកំពុងតែពិចារណាដករាល់ប្រាក់ឧបត្ថមទាំងអស់ចេញពីស្ថាប័នមួយនេះ។

តើមូលហេតុអ្វី?

ភាគីអាមេរិករិះគន់ស្ថាប័ននេះថាជាអ្នករណបចិន ទាក់ទិនជាមួយនឹងជម្ងឺ កូវីដ១៩។ គួររំលឹកផងដែរថា រដ្ឋាភិបាលលោក ប្រធានាធិបតី ដូណាល់ត្រាំ ធ្លាប់ហៅជម្ងឺ កូវីដ១៩ នេះថា ជា ជម្ងឺចិន ។ ទង្វើនេះធ្វើឲ្យភាគីចិនមានការខឹងសម្បា ហើយស្នើសុំឱ្យអង្គការសុខភាពពិភពលោកអន្តរាគមន៍។ អង្គការសុខភាពពិភពលោកក៏ស្នើសុំឱ្យសហរដ្ឋអាមេរិក កុំភ្ជាប់ជម្ងឺជាមួយប្រទេស ឬជាមួយរឿងនយោបាយ។

អ្វីដែលគួរឲ្យកត់សម្គាល់នោះគឺ រដ្ឋបាលលោកត្រាំទាមទារអោយមានការធ្វើវិសោធនកម្មលើថ្នាក់ដឹកនាំរបស់អង្គការសុខភាពពិភពលោក បើពុំដូច្នោះទេ ស្ថាប័ននេះនឹងលែងទទួលថវិការឧបត្ថម្ភរួមចំណែកគាំទ្រពីសហរដ្ឋអាមេរិកតទៅទៀតហើយ។

តើខាងថ្នាក់ដឹកនាំជាន់ខ្ពស់របស់អង្គការសុខភាពពិភពលោកមានប្រតិកម្មយ៉ាងម៉េច?

លោក អគ្គនាយករបស់អង្គការសុខភាពពិភពលោក លោក Tedros Adhanom បានឆ្លើយតបទៅកាន់សហរដ្ឋអាមេរិកថា បើសិនប្រទេសចិន និង សហរដ្ឋអាមេរិកនៅតែមិនចុះសម្រុងនឹងគ្នា ឬ មិនសហការទេ នោះ និងមានសាកសពវេចខ្ចប់ក្នុងថង់ផ្លាស្ទីក នឹងនៅតែបន្តកើនឡើង។