VATANAK2011
កាសែត CNN ៖ ការស្រាវជ្រាវថ្មីមួយបានបង្ហាញថា អ្នកដែលប្រើថ្នាំ Ozempic ឬ Wegovy អាចមានហានិភ័យខ្ពស់ក្នុងការវិវត្តទៅជាជំងឺពិការភ្នែកដ៏កម្រមួយ។ ទោះយ៉ាងណាក៏ដោយ គ្រូពេទ្យនិយាយថា វាមិនគួររារាំងអ្នកជំងឺពីការប្រើប្រាស់ថ្នាំដើម្បីព្យាបាលជំងឺទឹកនោមផ្អែម ឬជំងឺធាត់នោះទេ។
អំឡុងពេលឆ្នាំមុន វេជ្ជបណ្ឌិតនៅ Mass Eye and Ear បានកត់សម្គាល់ឃើញចំនួនអ្នកជំងឺច្រើនខុសពីធម្មតាដែលមានជំងឺដាច់សរសៃឈាមខួរក្បាល anterior ischemic optic neuropathy ឬ NAION ដែលជាប្រភេទជំងឺដាច់សរសៃឈាមក្នុងភ្នែកដែលបណ្តាលឱ្យបាត់បង់ការមើលឃើញភ្លាមៗ និងគ្មានការឈឺចាប់ក្នុងភ្នែកម្ខាង។
តែទោះជាយ៉ាងណាក៏ដោយ ស្ថានភាពនេះគឺកម្រណាស់ នេះបើយោងតាមរបាយការណ៍ចុះផ្សាយ។ មនុស្សប្រមាណជា 10 នាក់ក្នុងចំណោម 100,000 នាក់នៅក្នុងប្រជាជនទូទៅអាចជួបប្រទះបញ្ហានេះ – ប៉ុន្តែវេជ្ជបណ្ឌិតបានកត់សម្គាល់ករណីចំនួនបីក្នុងមួយសប្តាហ៍ហើយអ្នកជំងឺម្នាក់ៗកំពុងប្រើថ្នាំ semaglutide ។
ការស្រាវជ្រាវបែបវិជ្ជសាស្រ្តក្នុងរយៈពេលប្រាំមួយឆ្នាំបានបង្ហាញថាអ្នកដែលមានជំងឺទឹកនោមផ្អែមគឺច្រើនជាង 4 ដងទំនងជាត្រូវបានគេធ្វើរោគវិនិច្ឆ័យថាមាន NAION ប្រសិនបើពួកគេប្រើថ្នាំ semaglutide។ ហានិភ័យត្រូវបានគេរកឃើញថាធំបំផុតក្នុងឆ្នាំដំបូងនៃការទទួលបានវេជ្ជបញ្ជាសម្រាប់ការប្រើប្រាស់ថ្នាំ semaglutide ។
តែទោះជាយ៉ាងណាក៏ដោយ ការសិក្សា ដែលបានចេញផ្សាយកាលពីថ្ងៃពុធនៅក្នុងទស្សនាវដ្តីវេជ្ជសាស្ត្រ JAMA Ophthalmology មិនអាចបង្ហាញថាថ្នាំ semaglutide បណ្តាលឱ្យ NAION បានទេ ។ ហើយចំនួនអ្នកជំងឺតិចតួច – ជាមធ្យមប្រហែល 100 ករណីត្រូវបានកំណត់ជារៀងរាល់ឆ្នាំ – ពីមជ្ឈមណ្ឌលវេជ្ជសាស្ត្រឯកទេសមួយដែលអាចមិនពិតសម្រាប់ប្រជាជនទូលំទូលាយនោះទេ។
ក្រុមហ៊ុនផលិតថ្នាំ Novo Nordisk ដែលជាម្ចាស់រោងចក្រថ្នាំ semaglutide តែមួយគត់នៅក្នុងសហរដ្ឋអាមេរិកបានសង្កត់ធ្ងន់ថាទិន្នន័យនៅក្នុងការសិក្សាថ្មីនេះគឺមិនគ្រប់គ្រាន់ដើម្បីបង្កើតទំនាក់ទំនងមូលហេតុរវាងការប្រើប្រាស់ថ្នាំ semaglutide និង ប្រភេទជម្ងឺងងឹតភ្នែក NAION នោះទេ ។
អ្នកនាំពាក្យក្រុមហ៊ុនបានសរសេរក្នុងអ៊ីមែលទៅទូរទស្សន៍ CNN ថា “សុវត្ថិភាពអ្នកជំងឺជាអាទិភាពចម្បងសម្រាប់ក្រុមហ៊ុនយើង( Novo Nordisk )ហើយយើងពិនិត្យរបាយការណ៍ទាំងអស់អំពីព្រឹត្តិការណ៍អវិជ្ជមានពីការប្រើថ្នាំរបស់យើងយ៉ាងយកចិត្តទុកដាក់ជាទីបំផុត”។
